احسن مكان فى بلدنا

السلام عليكم ورحمة الله وبركاته
على ما اعتقد ان احسن مكان فى البلد هو شارع مرسى النجار (البوابه) اللى انا ساكن فيه مكان هادى جدا وكمان بقى فيه سوبر ماركت شديد وكمان الاستاذ محمد عميره المحامى وصديقى اللدود سابه وراح حى الجمعيه الزراعيه (حى الزمالك فى البلد) احسن والله الحته احلوت من غيره واللى شايف غير كده يقول رائيه

والله يا خضرت الادمن انا بتفق معاك فى حاجات وبختلف معاك فى حاجات
انا بختلف معاك ان شارع مرسى النجار دا احلى شارع فى البلد يا راجل دا قاطع ومفيش كلب بيمشى فيه من بعد المغرب
وبتفق معاك ان فعلا من بعد الاستاذ محمد مساب الحته وهيا بقه زى الفل
وانا فى راى انو احلى حته فى البلد هيا المصرف عشان على الاسفلت :) :) :)

لالالالالالالالالالالالالالالالالالالالالالا يا جدعان مش دا المكان الكويس ف البلد وع اية طيب دايبأة احسن مكان ف البلد ف اماكن ف البلد جامدة بصو مثلا لمنطقة الجمعية هوا دا مستقبل البلد وانا من رأى الى بيدور ع مشروع ممكن يستثمر فلوسو عند الجميعة ويشترى الارض غلية ويبعها رخيصة ويبأة كدا مستثمر جامد . اما بالنسبة لمحمد انا متفق معاكو ف حاجة هوة من بعد محمد ما ساب الحتة اه الحتة بقة زى الفل والى ما يقولشى كدا يبأة اعمى

انتو بتقولو ايه يا جماعه .... شارع مرسى مين وبتاع مين.... دى ناحيه فقرر دا الواحد مكانش بيعرف ينام انا مش متفق معاكم خالص فى الكلام ده
انما انا متفق مع الاستاذ أحمد نعيم ان الحته احلوت من بعد ما الاستاذ محمد عميره اللى هوه اخويا سبها هاهاهاهاهاهاهاهاهاهاها :arrow: :arrow: :arrow:

وشهد شاهداً من اهلها حلوه يا كابتن حسن
الاختلاف في الرأي ...لا يفسد للود قضية
بس اللى انا شايفه ان فى اجماع ان المنطقه احلوت من بعد ما محمد عميره سبها

انا معاك يا عمده انت والاستاذ ادمن والاستاذ اكونت ان الحته اتغيرت من بعد ما سبتها بس صدقنى للاسوأ .............. وان كان ع السوبر ماركت اللى انتو طالعين بيه السما فدا ان شاء الله كبيرو شهر ويتقفل ويتقلب دكان امواس حلاقه لان محدش بينفعو بمليم انا عن نفسى كنت معدى وقولت اشترى منو علبة كبريت لاقيت الراجل ياعينى خدنى بالاحضان وقالى حمدالله ع السلامه وراح معيط...... ربنا يزيح عنكم يبنى وتطلعو برا دى نعمه كبيره مش هتحسها انت
(احنا فمدينه مصريه على ارض الجمعيه )

انا من وجهة نظرى ان مفيش مكان مش حلو فى بلدنا كل بلدنا حلوه

البلد جامده بالناس الحلوه الى فيها وان شاء الله هما الى هيعملوها مش البلد الى هتعملهم

البلد جامده بالناس الحلوه الى فيها وان شاء الله هما الى هيعملوها مش البلد الى هتعملهم